అన్నయ్య గ్రీన్ సవాల్ స్వీకరించిన తమ్ముడు

హైదరాబాద్: అన్నయ్య మెగాస్టార్ చిరంజీవి విసిరిన‌ గ్రీన్ సవాల్ ను త‌మ్ముడు ప‌వ‌న్ క‌ళ్యాణ్ స్వీక‌రించారు. మంగళవారం సాయంత్రం హైదరాబాద్, మాదాపూర్ లోని జనసేన పార్టీ కార్యాలయంలో మొక్కలు నాటారు. హరితహారం కార్యక్రమంలో భాగంగా అన్నయ్య చిరంజీవి విసిరిన గ్రీన్ సవాల్ ను స్వీక‌రించి మూడు మొక్కలు నాటారు.

Power Star @PawanKalyan accepted his brother Megastar #Chiranjeevi's Go Green Challenge and planted three saplings at his Janasena Party office, Madhapur #HarithaHaram pic.twitter.com/S2Jh10hVYv

— BARaju (@baraju_SuperHit) July 31, 2018

అంత‌కు ముందు ఎన్ టీవి చైర్మ‌న్ న‌రేంద్ర చౌద‌రి విసిరిన గ్రీన్ ఛాలెంజ్ ను స్వీక‌రించిన మెగాస్టార్ చిరంజీవి త‌న‌వంతు బాధ్య‌త‌గా `హ‌రిత‌హారం` ఛాలెంజ్‌ని స్వీక‌రించారు. అన్న‌య్య త‌న ఇంటి పెర‌ట్లో మొక్క‌లు నాటి హ‌రిత‌హారం ఉద్య‌మానికి నేను సైతం అంటూ బాస‌ట‌గా నిలిచారు. మెగాస్టార్ స్వ‌యంగా మొక్క‌ను నాటి, దానికి నీళ్లు పోస్తున్న ఫోటోల్ని ప్ర‌స్తుతం మెగాభిమానులంతా షేర్ చేస్తూ ఎవ‌రికి వారు హ‌రిత‌హారం చేప‌ట్టాల‌ని ఉద్య‌మిస్తున్నారు. మంచి కోసం మేము సైతం అంటూ మెగాభిమానులు క‌దిలొస్తున్నారు. తెలుగు రాష్ట్రాలు ప‌చ్చ‌ద‌నంతో క‌ళ‌క‌ళ‌లాడాల‌న్న‌దే అన్న‌య్య చిరంజీవి ధ్యేయం. అందుకే ఆయ‌న అభిమానుల‌కు ఓ వీడియో సందేశం ఇచ్చారు. మా ఇంటి పెర‌ట్లో మూడు మొక్క‌లు నాటాను. ఇంత మంచి ప‌నికి స్ఫూర్తినిచ్చిన మిత్రులంద‌రికి ధ‌న్య‌వాదాలు అన్నారు.

Mega Star #Chiranjeevi Gaaru accepted the Green Challenge Thrown by NTV Narendra Chowdary Gaaru and Planted 3 Plants at His Home Garden & He Now Nominates Amitabh Bacchan Gaaru, Ramoji Rao Gaaru and Pawan Kalyan to Take part in This Green Challenge pic.twitter.com/DkybUQ2Wbc

— BARaju (@baraju_SuperHit) July 31, 2018

చిరంజీవి ఈ మంచి ప‌ని చేయ‌డ‌మే గాక‌.. మరో ముగ్గురిని హ‌రిత‌హారం ఛాలెంజ్‌కి నామినేట్ చేశారు. బిగ్‌బి అమితాబ్ బ‌చ్చ‌న్‌, మీడియా లెజెండ్ రామోజీరావు, ప‌వ‌ర్‌స్టార్ ప‌వ‌న్‌క‌ల్యాణ్‌ల‌ను హ‌రిత‌హారానికి ఆహ్వానించారు. ఓవైపు సైరా షూటింగులో బిజీగా ఉండీ కొంత స‌మ‌యాన్ని అన్న‌య్య ఇలా హ‌రిత‌హారం కార్య‌క్ర‌మానికి కేటాయించ‌డంపై స‌ర్వ‌త్రా హ‌ర్షం వ్య‌క్త‌మ‌వుతోంది.