మరో జాబితా విడుదల చేసిన కేసీఆర్

హైదరాబాద్: తెలంగాణ రాష్ట్ర సమితి తరపున పోటీ చేయనున్న మరో పదిమంది అభ్యర్ధులతో ఆ పార్టీ అధినేత కల్వకుంట్ల చంద్రశేఖర్ రావు జాబితా విడుదల చేశారు.

మేడ్చల్‌లో చామకూర మల్లారెడ్డి, గోషామహల్‌లో ప్రేమ్ సింగ్ రాథోడ్, చార్మినార్‌లో మహమ్మద్ సలావుద్దీన్ లోడి, వరంగల్ తూర్పులో నన్నపనేని నరేందర్‌కు టికెట్లిచ్చారు.  ఎంపీగా ఉన్న మల్లారెడ్డిని ఎమ్మెల్యేగా పోటీ చేయించడం ప్రాధాన్యతను సంతరించుకుంది. కేసీఆర్ వ్యూహంలో భాగంగానే మల్లారెడ్డిని బరిలోకి దించినట్లు సమాచారం.

హుజూర్‌నగర్‌లో శానంపూడి సైదిరెడ్డి వికారాబాద్‌లో డాక్టర్ మెతుకు ఆనంద్, అంబర్‌పేటలో కాలేరు వెంకటేష్‌కు టికెట్లు లభించాయి. మల్కాజిగిరిలో మైనంపల్లి హన్మంతరావు, చొప్పదండిలో సొంకె రవిశంకర్, ఖైరతాబాద్‌లో దానం నాగేందర్ అభ్యర్థిత్వాలను కేసీఆర్ ఖరారు చేశారు. ఖైరతాబాద్‌లో కాంగ్రెస్ నేత దాసోజు శ్రవణ్‌తో దానం తలపడనున్నారు.

మిగిలిన కోదాడ, ముషీరాబాద్ నియోజకవర్గాల అభ్యర్థులకు సంబంధించి పార్టీ ముఖ్య నాయకులతో చర్చించి ఒకటి, రెండు రోజుల్లో నిర్ణయం తీసుకుంటామని కేసీఆర్ ప్రకటించారు.

కేసీఆర్ ముందస్తు ఎన్నికలకు వెళ్తామని ప్రకటించినప్పుడే వందకు పైగా అభ్యర్ధులను ప్రకటించారు. కేసీఆర్ నేడు గజ్వేల్ నియోజకవర్గం నుంచి నామినేషన్ కూడా దాఖలు చేశారు.

This post is also available in : English

Be the first to comment

Leave a Reply

Your email address will not be published.


*