ఢిల్లీలో భారీ అగ్నిప్రమాదం… 44 మంది మృతి

ఢిల్లీ: దేశ రాజధాని ఢిల్లీ అనాజ్‌మండిలో తెల్లవారుజామున భారీ అగ్ని ప్రమాదం జరిగింది. ఘటనలో 44 మంది చనిపోయారు. తొలుత ఓ భవనంలో మంటలు చెలరేగాయి. ఆ తర్వాత సమీపంలోని ఇళ్లలో అక్రమంగా నిర్వహిస్తున్న ప్లాస్టిక్ ఫ్యాక్టరీ కారణంగా మంటలు వేగంగా వ్యాపించాయి. చాలామంది నిద్రలోనే కన్నుమూశారు. ఎన్డీఆర్ఎఫ్ సహాయక సిబ్బంది ఇప్పటివరకూ 56 మందిని రక్షించి సమీపంలోని ఆసుపత్రులకు తరలించారు. మృతుల బంధువుల రోదనలతో అటు అనాజ్‌మండిలోనూ, ఆసుపత్రుల వద్ద కూడా విషాద ఛాయలు అలుముకున్నాయి.

మృతుల కుటుంబాలకు ప్రధానమంత్రి నరేంద్రమోదీ సంతాపం తెలిపారు. సహాయక చర్యలు ముమ్మరం చేయాలని చేపట్టాలని ఆదేశించారు. గాయపడినవారికి మెరుగైన చికిత్స అందించాలంటూ ట్వీట్ చేశారు. మృతుల కుటుంబాలకు రెండు లక్షల రూపాయల పరిహారం ప్రకటించారు.

ఘటనలపై కేంద్ర హోం మంత్రి అమిత్ షా విచారం వ్యక్తం చేశారు.

మృతుల కుటుంబాలకు 5 లక్షల రూపాయల పరిహారం ఇస్తామని, క్షతగాత్రులకు 25 వేల రూపాయల నగదు సాయం చేస్తామని ఢిల్లీ బీజేపీ అధ్యక్షుడు మనోజ్ తివారి చెప్పారు.

ఘటనపై కేజ్రీవాల్ ప్రభుత్వం మృతుల కుటుంబాలకు 10 లక్షల రూపాయల ఎక్స్‌గ్రేషియా ప్రకటించింది. క్షతగాత్రులకు లక్ష రూపాయల పరిహారం అందిస్తామని, ఆసుపత్రి ఖర్చు భరిస్తామని తెలిపింది. ఘటనపై సీఎం కేజ్రీవాల్ విచారణకు ఆదేశించారు.

శైలజ పాలకూర్ల, రచన జర్నలిజం కళాశాల. హైదరాబాద్.

This post is also available in : English

Be the first to comment

Leave a Reply

Your email address will not be published.


*