కరోనాతో మాజీ క్రికెటర్, యూపీ మంత్రి చేతన్ చౌహాన్ మృతి… సంతాపం తెలిపిన మోదీ, యోగి

ముంబై: మాజీ క్రికెటర్, యూపీ మంత్రి చేతన్ చౌహాన్ కన్నుమూశారు. పాజిటివ్ రావడంతో పాటు శ్వాసపరమైన ఇబ్బందులు ఎదుర్కొంటోన్న ఆయన్ను గురుగ్రాం ఆసుపత్రికి తరలించి చికిత్స అందించారు. అయితే ఆయన పరిస్థితి విషమించి కన్నుమూశారు. చేతన్ చౌహాన్ మృతిపై ప్రధానమంత్రి నరేంద్ర మోదీ దిగ్బ్రాంతి వ్యక్తం చేశారు. క్రికెటర్‌గానే కాకుండా బీజేపీ నేతగా ఆయన చేసిన సేవలను కొనియాడారు. చేతన్ చౌహాన్ కుటుంబ సభ్యులకు ప్రధాని సంతాపం తెలిపారు.

యూపీ సీఎం యోగి ఆదిత్యనాథ్ కూడా చేతన్ మృతిపై సంతాపం తెలిపారు. చేతన్ లేరనే దు:ఖాన్ని తట్టుకోగల శక్తిని భగవంతుడు ఆయన కుటుంబానికి ఇవ్వాలని, ఆయన ఆత్మకు శ్రీరాముడు శాంతిని చేకూర్చాలని ప్రార్ధిస్తున్నట్లు యోగి ట్వీట్ చేశారు.

బీసీసీఐ మాజీ అధ్యక్షుడు అనురాగ్ ఠాకూర్ కూడా చేతన్ మృతిపై సంతాపం తెలిపారు.

చేతన్ చౌహాన్ క్రికెట్ రంగంలోనే కాక రాజకీయ రంగంలోనూ తనదైన ముద్ర వేశారు. నిత్యం చురుగ్గా ఉంటూ మిగతా రాజకీయ నాయకులకూ ఆదర్శంగా ఉండేవారు. ఆయన మరణంతో యూపీ మంచి నేతను కోల్పోయినట్లైందని బీజేపీ శ్రేణులంటున్నాయి.

Be the first to comment

Leave a Reply

Your email address will not be published.


*