సైనికులను ఉద్దేశించి ప్రధాని మోదీ ప్రసంగం.. పాక్, చైనాలకు చురకలు

November 14, 2020 eekshadmin రాజకీయం 0

జైసల్మేర్: ప్రధానమంత్రి నరేంద్ర మోదీ దీపావళిని సైనికులతో కలిసి జరుపుకున్నారు. లొంగేవాలా పోస్ట్ వద్ద సైనికులను ఉద్దేశించి మాట్లాడారు. సైనికుల ధైర్యసాహసాలను మెచ్చుకున్నారు. సైనికుల వల్లనే దేశం ప్రశాంతంగా దీపావళి జరుపుకుంటోందని చెప్పారు.

దేశ రక్షణకు, సైన్య అవసరాలకు కావాల్సిన ఆయుధాలను, ఇతర ఉత్పత్తులను దేశంలోనే తయారు చేయాలంటూ సైన్యం తీసుకున్న నిర్ణయం ఓకల్ ఫర్ లోకల్‌గా మరిందని చెప్పారు. సైన్యం తీసుకున్న నిర్ణయం ఆత్మనిర్భర్ భారత్ విజయాన్ని సూచిస్తుందన్నారు.

 

ఈ సందర్భంగా మోదీ లొంగేవాలా పోస్ట్ అమరవీరులను గుర్తు చేసుకున్నారు. మేజర్ కుల్దీప్ సింగ్ శౌర్య పరాక్రమాలను ప్రశంసిస్తూ ఆయన ఎప్పటికీ రాష్ట్ర్ దీప్‌గా నిలిచిపోతారని కీర్తించారు.

ఈ సందర్భంగా మోదీ పాకిస్థాన్ దుష్క్రృత్యాలను దుయ్యబట్టారు. పాక్ దుశ్చర్యలకు భారత సైనికులు గట్టిగా బుద్ధి చెబుతున్నారని మోదీ చెప్పారు. భారత్‌ను రెచ్చగొట్టాలని చూస్తే ఏం జరుగుతుందో తెలుసుకోవాలని హెచ్చరించారు.

పనిలో పనిగా లడక్ వద్ద దూకుడుగా ఉన్న చైనాకు కూడా మోదీ చురకలంటించారు. విస్తరణవాదంతో ప్రపంచమంతా ఇబ్బందులు పడుతోందని చెప్పారు. అంతేకాదు విస్తరణవాదం మానసిక వికృతి అని విమర్శించారు. విస్తరణవాదానికి భారత్ గట్టిగా జవాబుచెబుతోందన్నారు.

ఈ సందర్భంగా ప్రధాని సైనికులకు మూడు సలహాలిచ్చారు. మాతృభాష, హిందీ, ఇంగ్లీష్‌తో పాటు మరో భాష నేర్చుకుంటే కొత్త ఉత్సాహం వస్తుందని చెప్పారు. యోగాను జీవితంలో భాగం చేసుకోవాలన్నారు. కొత్త ఆవిష్కరణలపై దృష్టి సారించాలని మోదీ సైనికులకు సూచించారు.

అనంతరం మోదీ లొంగేవాలా పోస్ట్ వద్ద వార్ మెమోరియల్ వద్ద అమరవీరులకు నివాళులర్పించారు.

ఆ తర్వాత మోదీ యుద్ధ ట్యాంకుపై ఎక్కి అక్కడి ప్రాంతాలను కొద్దిసేపు పరిశీలించారు.

అక్కడి మ్యూజియంను కూడా మోదీ సందర్శించారు.

అనంతరం జైసల్మేర్‌లో ఎయిర్‌ఫోర్స్ వారియర్స్‌తో ముచ్చటించారు.

 

 

అంతకు ముందు ప్రధాని… దేశ రక్షణ కోసం సర్వస్వం త్యాగం చేస్తున్న సైనికులకు దీపావళి సందర్భంగా దీపాలు వెలిగించాలని దేశ ప్రజలకు పిలుపునిచ్చారు.

Related Articles

రాజకీయం

కఠిన సవాళ్లను ఎదుర్కొన్న ధృడమైన ప్రధాని వాజ్‌పేయి

August 16, 2018 eekshadmin రాజకీయం 0

న్యూ ఢిల్లీ : మాజీ ప్రధాని, బీజేపీ అగ్రనేత అటల్ బిహారీ వాజ్‌పేయి (93) కొద్దిసేపటి క్రితం కన్నుమూశారు. ఢిల్లీ ఎయిమ్స్‌లో చికిత్స పొందుతూ ఆయన తుది శ్వాస విడిచారు. పార్టీలకు అతీతంగా నేతలు ఆయనకు ఘనంగా నివాళులర్పిస్తున్నారు. వాజ్‌పేయి రాజకీయ జీవితం : – 1924 డిసెంబర్ [ READ …]

రాజకీయం

బీజేపీ కార్యకర్తకు ఉండితీరాల్సిన ఏడు సలక్షణాలివే: మోదీ

July 4, 2020 eekshadmin రాజకీయం 0

న్యూఢిల్లీ: ప్రతి బీజేపీ కార్యకర్తకు ఉండితీరాల్సిన ఏడు సలక్షణాలను ప్రధానమంత్రి నరేంద్ర మోదీ ప్రస్తావించారు. తాము అధికారంలోకి వచ్చింది దేశానికి, పేదలకు సేవ చేయడానికేనని మరోసారి ఆయన స్పష్టంచేశారు. సేవా హి సంఘటన్ పేరుతో ఆయన బీజేపీ కార్యకర్తలతో ఆన్‌లైన్ ద్వారా ముచ్చటించారు. తమ ప్రభుత్వం ఆరేళ్లుగా ఇదే [ READ …]

రాజకీయం

ప్రదాని మోదీని పవార్ అందుకే కలిశారా?

November 21, 2019 eekshadmin రాజకీయం 0

ముంబై: మహారాష్ట్ర రాజకీయాలు క్షణానికో మలుపు తిరుగుతున్నాయి. ఎన్నికల ఫలితాలు వెలువడి నెల రోజులు కావొస్తున్నా ప్రభుత్వ ఏర్పాటుకు సంబంధించి ఏ పార్టీకూడా స్పష్టమైన ప్రకటన చేయలేకపోతోంది. అయితే ప్రభుత్వ ఏర్పాటుకు ఎన్సీపీ, కాంగ్రెస్, శివసేన నిరంతరం సంప్రదింపులు జరుపుతున్నాయి. ఎన్నికల్లో 56 సీట్లు సాధించిన శివసేనకు తొలి [ READ …]

Be the first to comment

Leave a Reply

Your email address will not be published.


*