17 దేశాలు
265 మంది కవయిత్రులు
3 రోజులపాటు కవితా పఠనం
ఈ బృహత్ కార్యక్రమంలో హైదరాబాద్ కు చెందిన రచయిత్రి శ్రీమతి వేముల ప్రేమలత పాలుపంచుకున్నారు.
డాక్టర్ సి.నారాయణరెడ్డి వంశీ విజ్ఞాన పీఠం, శ్రీ సాంస్కృతిక కళా సారథి సింగపూర్ & సాహితీ కిరణం మాసపత్రిక సంయుక్త ఆధ్వర్యంలో తొలిసారి 17 దేశాల నుండి 265 మంది కవయిత్రులతో అంతర్జాల వేదిక పై మూడు రోజులపాటు ప్రతిష్టాత్మక స్వీయ కవితా పఠన కార్యక్రమం ఘనంగా జరిగింది.
అంతటా తానై అన్నింటా తానై అంటూ నేటి మహిళ అడుగుపెట్టని రంగం లేదని ప్రేమలత వినిపించిన కవిత అందరినీ ఆకట్టుకుంది. ఈ సందర్బంగా ఆమె తెలుగు బుక్ ఆఫ్ రికార్డ్స్ లో స్థానం సంపాదించుకున్నారు. ఈ రికార్డు గురించి “గొప్ప గొప్ప రచయిత్రులు పాల్గొన్న ఈ వేదికపై తాను కవిత వినిపించడం, రికార్డు సాధించడం ఆనందంగా ఉంది” అని ప్రేమలత తెలిపారు.
ప్రేమలత తెలుగు అధ్యాపకురాలుగా పనిచేస్తున్నారు. ఎన్నో కవితలు కథలు రాసి పలు ప్రశంసలు అందుకున్నారు. 
