నటుడు ప్రకాశ్ రెడ్డి మరణంపై మోదీ, షా, ఇతర ప్రముఖుల సంతాపం

హైదరాబాద్: నటుడు జయప్రకాశ్ రెడ్డి గుండెపోటుతో మరణించారు. తన ఇంట్లోనే ఈ తెల్లవారుజామున ఆయన బాత్‌రూమ్‌లో కుప్పకూలిపోయారు. ఆసుపత్రికి తీసుకెళ్లగా అప్పటికే ఆయన చనిపోయినట్లు వైద్యులు తెలిపారు. 74 సంవత్సరాల జయప్రకాశ్ రెడ్డి కొంతకాలంగా గుంటూరులోనే ఉంటున్నారు.

1988లో బ్రహ్మపుత్రుడు సినిమాతో ఎంట్రీ ఇచ్చి శత్రువు, లారీ డ్రైవర్‌, బొబ్బిలిరాజా, చిత్రం భళారే విచిత్రం, జంబలకిడి పంబ తదిరత సూపర్‌హిట్ చిత్రాల్లో నటించారు. రాయలసీమ యాసలో ఆయన డైలాగ్స్‌ చెప్పేవారు. తెలుగు, తమిళ, కన్నడ చిత్రాల్లో నటించి ప్రశంసలు పొందారు.

జయప్రకాశ్ రెడ్డి మృతిపై ప్రధానమంత్రి నరేంద్ర మోదీ సంతాపం వ్యక్తం చేశారు. తన దీర్ఘ కాల సినీ యాత్రలో ఆయన ఎన్నో మరపురాని పాత్రలు పోషించారని, ఆయన మరణం సినిమా ప్రపంచానికి తీరని లోటని మోదీ చెప్పారు. జయప్రకాశ్ రెడ్డి కుటుంబ సభ్యులకు, అభిమానులకు తన ప్రగాఢ సానుభూతి వ్యక్తం చేశారు.

జయ ప్రకాష్ రెడ్డి గారు తనదైన ప్రత్యేక నటనా శైలితో అందరినీ ఆకట్టుకున్నారు . తన దీర్ఘ కాల సినీ యాత్రలో ఆయన ఎన్నో మరపురాని పాత్రలు పోషించారు. వారి మరణం సినిమా ప్రపంచానికి తీరని లోటు. వారి కుటుంబ సభ్యులకు, అభిమానులకు నా ప్రగాఢ సానుభూతి వ్యక్తం చేస్తున్నాను. ఓం శాంతి.

— Narendra Modi (@narendramodi) September 8, 2020

జయప్రకాష్ రెడ్డి గారి అకాలమరణం తనను తీవ్ర దిగ్భ్రాంతికి గురి చేసిందని, విలక్షణ పాత్రలతో తెలుగు చిత్ర పరిశ్రమకు ఆయన చేసిన సేవ చిరస్మరణీయమని కేంద్ర హోం మంత్రి అమిత్ షా సంతాప సందేశంలో పేర్కొన్నారు. పరిశ్రమకు ఆయన లేని లోటు తీర్చలేనిదని, ఆయన స్థానం భర్తీ చేయలేనిదంటూ ట్వీట్ చేశారు.

గొప్ప ప్రతిభ గల తెలుగు నటుడు శ్రీ జయప్రకాష్ రెడ్డి గారి అకాలమరణం నన్ను తీవ్ర దిగ్భ్రాంతికి గురి చేసింది.విలక్షణ పాత్రలతో తెలుగు చిత్ర పరిశ్రమకు ఆయన చేసిన సేవ చిరస్మరణీయం.పరిశ్రమకు ఆయన లేని లోటు తీర్చలేనిది.ఆయన స్థానం భర్తీ చేయలేనిది.ఆయన కుటుంబానికి, అభిమానులకు నా ప్రగాఢ సంతాపం. pic.twitter.com/4xeUpOSwhM

— Amit Shah (@AmitShah) September 8, 2020

ఇతర ప్రముఖులు కూడా జయప్రకాశ్ రెడ్డి మృతిపై సంతాపం వెలిబుచ్చారు.

Deeply pained at the demise of Sri.Jayaprakashreddy garu. pic.twitter.com/6s3dh0q2HP

— Chiranjeevi Konidela (@KChiruTweets) September 8, 2020

Shocked & saddened to know about the sudden demise of #JayaPrakashReddy garu. Had great times working with him. Thanks for entertaining us with your versatility by portraying some memorable comedy and villian roles over the decades. May your soul rest in peace 🙏

— rajamouli ss (@ssrajamouli) September 8, 2020

జయప్రకాష్ రెడ్డి మరణవార్త నన్ను ఎంతగానో బాధించింది. మా శ్రీ లక్ష్మీప్రసన్న పిక్చర్స్ బ్యానర్ లో ఎన్నో మంచి పాత్రలు చేశారు. నటుడిగా జయప్రకాష్ రెడ్డి బిజీగా ఉన్నప్పటికీ తనకు ఎంతో ఇష్టమైన నాటక రంగాన్ని ఎప్పుడూ ప్రోత్సహిస్తూ నాటకాల్లో పాత్రలు పోషిస్తూ ఉండేవారు.

— Mohan Babu M (@themohanbabu) September 8, 2020