ఫ్లైయింగ్ సిఖ్ మిల్కాసింగ్‌పై జర్నలిస్ట్ క్రాంతిదేవ్ మిత్ర ప్రత్యేక కథనం

దేశ విభజన ఎంతో మంది జీవితాల్లో విషాదాన్ని మిగిల్చింది.. తూర్పు పంజాబ్‌ (ఇప్పుడు పాకిస్తాన్‌) గోవింద్‌పూరాలో జరిగిన ఊచకోతలో ఓ బాలుడు తల్లిదండ్రులను, సోదరులు, సోదరీమణులను పోగొట్టుకున్నాడు.. ఆ అనాధ బాలుడు దిక్కుతోచక ఇతర కాందీశీకులతో కలిసి ఢిల్లీకి వచ్చాడు.. అదృష్టవశాత్తు అక్కడి శరణార్థుల శిబిరంలో తన అక్క కుటుంబాన్ని కలుసుకున్నాడు.. జీవితంలో ఎన్నో కష్టాలు పడ్డాడు.. టికెట్‌ లేకుండా రైలు ప్రయాణం చేసి పోలీసులకు దొరికి జైలుపాలయ్యాడు. ఆ బాలుడే మిల్ఖాసింగ్‌..

యుక్తవయసు వచ్చిన తర్వాత మిల్ఖా సింగ్‌కు జీవితంపై విరక్తితో దిక్కుతోచక దొంగగా మారాలనుకున్నాడు. అదృష్టవశాత్తు భారత సైన్యంలో చేరాడు. శిక్షణ కోసం సికింద్రాబాద్‌ కంటోన్మెంట్‌ పంపారు.. సైన్యంలో ఇచ్చే శిక్షణలో భాగంగా ప్రతి రోజూ కిలో మీటర్ల కొద్దీ పరుగెత్తాలి.. అక్కడే మిల్ఖాలోని ప్రతిభ వెలుగులోకి వచ్చింది. చిన్నప్పుడు స్కూల్‌కు వెళ్లడానికి రానుపోనూ 10 కిలో మీటర్లు పరుగెత్తేవాడు. ఆ అనుభవం ఇక్కడ పనికి వచ్చింది. సైన్యం నిర్వహించిన జాతీయ స్థాయి పరుగుపందెంలో మిల్ఖా 6వ స్థానంలో వచ్చాడు..

https://www.facebook.com/mkdmitra/posts/4048455188568621

ఇలా మొదలైన మిల్ఖా సింగ్‌ పరుగులు క్రీడారంగంలో భారత్‌ ఖ్యాతిని పెంచాయి. నేషనల్‌ గేమ్స్‌, ఏసియన్‌ గేమ్స్‌, కామన్వెల్త్‌ గేమ్స్‌లో స్వర్ణ పతకాలు సాధించాడు . దురదృష్ణవశాత్తు చిన్న తప్పిదంతో మిల్ఖా ఒలింపిక్‌ పతకం కోల్పోయినా ఎన్నో అంతర్జాతీయ రికార్డులు బద్దలు కొట్టాడు.

ఆస్ట్రేలియా మెల్‌బోర్న్‌ సముద్ర తీరంలో ఓ సిక్కు యువకుడు పరుగులు తీసి అలసిపోయాడు.. ఓ బేంచీ కూర్చొని సేద తీరుతున్నాడు. అక్కడికి వచ్చిన ఓ వృద్దుడు ‘ఆర్‌ యూ రిలాక్సింగ్‌?’ అని అడిగాడు.. ‘నో.. అయామ్‌ మిల్ఖాసింగ్‌’ అని రిప్లయ్‌ ఇచ్చాడా యువకుడు..
చిన్నప్పుడు విన్న జోక్‌ ఇది.. నిజమా, కల్పితమా తెలియదు.. కానీ నేను పాజిటివ్‌ కోణాన్ని మాత్రమే తీసుకుంటున్నాను. దేశ విభజన ఊచకోతల్లో తల్లిదండ్రులకు కోల్పోయి పాకిస్తాన్‌ నుంచి ఢిల్లీకి కట్టుబట్టలతో వచ్చిన బాలుడు మిల్ఖాసింగ్‌.. జీవితంలో ఎన్నో కష్టాలు పడి సైన్యంలో చేరాడు.. పరుగు పందెంలో రాణించి అంతర్జాతీయ స్థాయికి ఎదిగాడు..
మిల్ఖాసింగ్‌ విదేశీ గడ్డమీద ఒలింపిక్‌ క్రీడల్లో పాల్గొనేందుకు వెళ్లినా తొలి ప్రయత్నంలో ఓడిపోయాడు.. అప్పటికి ఆయనకు పెద్దగా ఆంగ్ల పరిజ్ఞానం లేదు.. పైన పేర్కొన్న మెల్‌బోర్న్‌ తీరంలో జరిగిన ఘటన తర్వాత ఆయన తన ఆట తీరుతో పాటు కమ్యూనికేషన్‌ స్కిల్స్‌ కూడా మెరుగు పరుచుకున్నాడు. అలా మొదలైన మల్ఖా పరుగులకు ఎన్నో స్వర్ణపతకాలు, కీర్తి కాంతులు లభించాయి.
నేటి యువత పెద్దగా కష్టపడకుండానే షార్ట్‌కట్‌ ఫలితాలను ఆశించడం చూసి మిల్ఖాసింగ్‌ బాధపడేవాడు.. ప్రభుత్వం ఎన్ని ప్రోత్సాహకాలు ఇస్తున్నా సరిగ్గా ఉపయోగించుకోకపోగా విమర్శలు చేయడం మనం చూస్తూనే ఉన్నాం.. ఏమీ లేని రోజుల్లోనే ఆయన అద్భుతాలను సాధించి దేశ ప్రజలకు చూపించారు.. మిల్ఖా మన మధ్య లేకున్నా అందరికీ స్ఫూర్తిదాయకుడు..

ఎంతో మంది క్రీడాకారులకు స్ఫూర్తిదాయకంగా నిలిచిన మిల్ఖాసింగ్‌కు ‘ఫ్లయింగ్‌ సిఖ్‌’ అనే గుర్తింపు వచ్చింది. ఆయన జీవితంపై ‘భాగ్‌ మిల్ఖా భాగ్‌’ అనే సినిమా కూడా వచ్చింది. కరోనా మిల్ఖా సింగ్ కుటుంబాన్ని కాటేసింది. కొద్ది రోజుల క్రితమే ఆయన భార్య మరణించగా, ఇప్పుడు ఆయన కూడా భౌతికంగా దూరం అయ్యారు. ఓం శాంతి..

క్రాంతి దేవ్ మిత్ర, జర్నలిస్ట్, హైదరాబాద్( 90000 01607 )

 

మరోవైపు మిల్కాసింగ్ ఇకలేరనే విషయాన్ని జాతి జీర్ణంచుకోలేకపోతోంది. దేశం గొప్ప క్రీడాకారుడిని కోల్పోయిందని ప్రధానమంత్రి నరేంద్ర మోదీ ట్వీట్ చేశారు.

కేంద్ర హోం మంత్రి అమిత్ షా నివాళులర్పిస్తూ మిల్కాసింగ్ రికార్డులను గుర్తుచేసుకున్నారు.

మిల్కా మరణంపై పలువురు ప్రముఖులు, నెటిజన్లు సోషల్ మీడియా వేదికగా నివాళులర్పించారు.

Be the first to comment

Leave a Reply

Your email address will not be published.


*