సూరాపానంలో పార్వతి ఫస్ట్‌లుక్‌ విడుదల

హైదరాబాద్: సంపత్‌కుమార్‌ హీరోగా నటిస్తూ దర్శకత్వం వహిస్తున్న చిత్రం ‘సూరాపానం’. కిక్‌ అండ్‌ ఫన్‌ అనేది ఉపశీర్షిక. అఖిల్‌ భవ్య క్రియేషన్స్‌ పతాకంపై మధు యాదవ్‌ నిర్మిస్తున్నారు. ఈ చిత్రంలో నాయికగా నటిస్తున్న ప్రగ్యానయన్‌ ఫస్ట్‌లుక్‌ను నేడు ఆమె జన్మదినం సందర్భంగా విడుదల చేసింది చిత్రబృందం. ఈ సందర్భంగా దర్శకుడు మాట్లాడుతూ ‘ ఈ చిత్రంలో పార్వతిగా కథానాయిక ప్రగ్యానయన్‌ ఓ ఆసక్తికరమైన పాత్రలో కనిపించబోతుంది. గ్లామర్‌తో పాటు అభినయానికి ఆస్కారమున్న పాత్రలో అందర్ని అలరించబోతుంది.

నిర్మాణానంతర పనులు తుదిదశకు చేరుకున్న ఈ చిత్రం ప్రేక్షకులకు థ్రిల్‌తో పాటు వినోదాన్ని కూడా అందించబోతుంది. త్వరలోనే విడుదల తేదీని ప్రకటిస్తాం’ అన్నారు. అజయ్‌ ఘోష్‌, సూర్య, జెన్నీ, మీసాల లక్ష్మణ్‌, చమ్మక్‌ చంద్ర తదితరులు నటిస్తున్న ఈ చిత్రానికి మాటలు: రాజేంద్రప్రసాద్‌, కెమెరా: విజయ్‌ ఠాగూర్‌, సంగీతం: భీమ్స్‌ సిసిరోలియో.

Be the first to comment

Leave a Reply

Your email address will not be published.


*