లోటస్ స్మార్ట్ స్కూల్ కరస్పాండంట్ అంబికా పవార్‌కు ప్రతిష్ఠాత్మక “ప్రగతి రత్న అవార్డు”
- నటి శ్రేయ శరన్ చేతుల మీదుగా పురస్కారం ప్రదానం..
- విద్యారంగంలో విశేష సేవలకు గాను విజనరీ ఎడ్యుకేటర్ ఆఫ్ ది ఇయర్ అవార్డ్..
- నాగోల్ పి బి ఆర్(PBR) కన్వెన్షన్‌లో ఘనంగా నిర్వహించిన యూనిక్ లైఫ్
ఆర్మూర్ / నిజామాబాద్ ఈక్షణం, అక్టోబర్ 26: విద్యారంగంలో విశేష సేవలు అందిస్తూ, విద్యార్థులకు నాణ్యమైన విద్యతో పాటు సమగ్ర వికాసానికి కృషి చేస్తున్న ఆర్మూర్ లోటస్ స్మార్ట్ స్కూల్ కరస్పాండంట్, వ్యవస్థాపకురాలు అంబికా పవార్‌ను ప్రతిష్ఠాత్మక “ప్రగతి రత్న అవార్డు – విజనరీ ఎడ్యుకేటర్ ఆఫ్ ది ఇయర్” వరించింది.
హైదరాబాద్ నాగోల్‌లోని పి బి ఆర్ (PBR) కన్వెన్షన్ హాల్ వేదికగా ‘యూనిక్ లైఫ్’ సంస్థ నిర్వహించిన బహుకరణ కార్యక్రమంలో ప్రముఖ సినీ నటి శ్రేయ శరన్, యూనిక్ లైఫ్ ఫౌండర్ వేణు కళ్యాణ్ చేతుల మీదుగా ఆమె ఈ పురస్కారాన్ని అందుకున్నారు.
నాణ్యమైన విద్యా బోధన – సాంకేతికత వినియోగం!
విద్యార్థులకు పుస్తక జ్ఞానంతో పాటు క్రమశిక్షణ, నైతిక విలువలు, సృజనాత్మకత, ఆత్మవిశ్వాసాన్ని నూరిపోస్తూ లోటస్ స్మార్ట్ స్కూల్‌లో అధునాతన టెక్నాలజీని ప్రవేశపెట్టినందుకు గాను ఆమెకు ఈ గౌరవం దక్కింది. ప్రతి విద్యార్థిలో దాగివున్న ప్రతిభను గుర్తించి ప్రోత్సహిస్తూ ప్రేమతో కూడిన బోధనా పద్ధతులను పాఠశాలలో అందుబాటులోకి తెచ్చారని నిర్వాహకులు కొనియాడారు.
అవార్డు ప్రదానోత్సవం – ముఖ్యాంశాలు:
పురస్కారం: ప్రగతి రత్న అవార్డు (విజనరీ ఎడ్యుకేటర్ ఆఫ్ ది ఇయర్).
గ్రహీత: అంబికా పవార్ (కరస్పాండంట్, లోటస్ స్మార్ట్ స్కూల్, ఆర్మూర్).
వేదిక: పి బి ఆర్ కన్వెన్షన్ హాల్, నాగోల్, హైదరాబాద్.
ప్రధానం చేసిన ప్రముఖులు: ప్రముఖ సినీ నటి శ్రేయ శరన్, యూనిక్ లైఫ్ ఫౌండర్ వేణు కళ్యాణ్.
ముఖ్య అతిథులు: ప్రముఖ సైకాలజిస్టులు సుధీర్ సాంద్ర, అరికెళ్ల రాఘవేంద్ర, బ్రదర్ షఫీ తదితరులు.
“మంచి పౌరులుగా తీర్చిదిద్దడమే నా లక్ష్యం”
పురస్కారాన్ని అందుకున్న అనంతరం అంబికా పవార్ మాట్లాడుతూ.. పిల్లలను కేవలం చదువుకే పరిమితం చేయకుండా మంచి వ్యక్తిత్వం, నైతిక విలువలు ఉన్న బాధ్యతాయుతమైన పౌరులుగా తీర్చిదిద్దడమే తమ పాఠశాల ముఖ్య లక్ష్యమని చెప్పారు. విద్యార్థుల భవిష్యత్తును తీర్చిదిద్దడంలో ఉపాధ్యాయులు, తల్లిదండ్రులు, పాఠశాలల సమన్వయం ఎంతో కీలకమని అభిప్రాయపడ్డారు. ఈ పురస్కారం తన విద్యాసేవలకు మరింత ప్రోత్సాహాన్ని ఇచ్చిందని, భవిష్యత్తులో విద్యార్థుల అభ్యున్నతి కోసం మరింత నాణ్యమైన విద్యను అందిస్తామని తెలిపారు.
ఈ కార్యక్రమంలో వివిధ రంగాలకు చెందిన ప్రముఖులు, విద్యావేత్తలు మరియు ఉపాధ్యాయులు పెద్ద సంఖ్యలో పాల్గొన్నారు.
