Breaking News: తెలంగాణలో భారీగా ఐపీఎస్ అధికారుల బదిలీలు

• 21 మందికి స్థానచలనం..
• హైదరాబాద్ కొత్త సీపీగా మహేష్ భగవత్, సజ్జనార్‌ బదిలీ!
• ఉత్తర్వులు జారీ చేసిన ప్రభుత్వ ప్రధాన కార్యదర్శి సంజయ్ జాజు..
• ఏసీబీ డీజీగా చారు సిన్హా, ఆర్టీసీ ఎండీగా డా. అనిల్ కుమార్ నియామకం!

హైదరాబాద్ ఈక్షణం, నవంబర్ 12: తెలంగాణ పోలీస్ శాఖలో రాష్ట్ర ప్రభుత్వం భారీ ప్రక్షాళన చేపట్టింది. రాష్ట్రవ్యాప్తంగా ఒకేసారి 21 మంది ఐపీఎస్ (IPS) అధికారులను బదిలీ చేస్తూ, పలువురికి అదనపు బాధ్యతలు అప్పగిస్తూ ప్రభుత్వ ప్రధాన కార్యదర్శి (CS) సంజయ్ జాజు గురువారం (G.O.Rt.No.1654) ఉత్తర్వులు జారీ చేశారు.

ఈ బదిలీల్లో భాగంగా అత్యంత కీలకమైన హైదరాబాద్ నగర పోలీస్ కమిషనర్‌గా (CP) మహేష్ మురళీధర్ భగవత్ నియమితులయ్యారు. ఇప్పటివరకు హైదరాబాద్ సీపీగా ఉన్న వి.సి. సజ్జనార్‌ను తెలంగాణ ఫైర్, డిజాస్టర్ రెస్పాన్స్, ఎమర్జెన్సీ అండ్ సివిల్ డిఫెన్స్ డైరెక్టర్ జనరల్ (DG) గా ప్రభుత్వం బదిలీ చేసింది.

కీలక విభాగాలకు కొత్త బాస్‌లు..

రాష్ట్రంలోని పలు కీలక విభాగాల అధిపతులను ప్రభుత్వం మార్చింది:

• చారు సిన్హా (1996 బ్యాచ్): అవినీతి నిరోధక శాఖ (ACB) డైరెక్టర్ జనరల్‌గా నియమితులయ్యారు. సీఐడీ (CID) డీజీగా అదనపు బాధ్యతలు నిర్వహించనున్నారు.
• డాక్టర్ సౌమ్య మిశ్రా (1994 బ్యాచ్): జైళ్ల శాఖ డీజీ నుంచి మహిళా భద్రత, షీ టీమ్స్ మరియు భరోసా విభాగం డీజీపీగా బదిలీ అయ్యారు.
• స్వాతి లక్రా (1995 బ్యాచ్): జైళ్ల శాఖ (Prisons & Correctional Services) డైరెక్టర్ జనరల్‌గా నియమితులయ్యారు.
• డాక్టర్ అనిల్ కుమార్ (1996 బ్యాచ్): గ్రేహౌండ్స్ ఆపరేషన్స్ డీజీపీగా ఉన్న ఈయనను తెలంగాణ రాష్ట్ర రోడ్డు రవాణా సంస్థ (TGSRTC) వైస్-చైర్మన్ & మేనేజింగ్ డైరెక్టర్‌గా బదిలీ చేశారు.
• వై. నాగిరెడ్డి (1997 బ్యాచ్): పౌరసరఫరాల శాఖ (Civil Supplies) కమిషనర్‌గా నియమితులయ్యారు.

బదిలీ అయిన 21 మంది ఐపీఎస్ అధికారుల పూర్తి జాబితా: